Нарын облусуна караштуу Кочкор районунда жаңы спорт комплекси курулууда. Бүгүнкү күндө жер казуу иштери аткарылып жатат. Спорт комплекстин жалпы аянты—1 433,38 м². Объект Президенттик фонддон каржыланууда.
Ал эми Курулуш иштери Курулуш министрлигине караштуу “Кыргызкурулуш” мамлекеттик ишканасы тарабынан жүргүзүлүп жатат.
Келечекте бул комплекс спорттук иш-чараларды өткөрүүгө,
машыгууларга жана активдүү эс алууга ылайыкталган заманбап борборго айланып,
Кочкор районунун спорттук инфратүзүмүнүн өнүгүшүнө чоң салым кошот.
