Кыргыз Республикасынын Курулуш, архитектура жана турак жай-коммуналдык чарба министрлигинин демилгеси жана “Синерджи” спорттук иш-чаралар агенттиги менен биргеликте курулуш тармагындагы кызматкерлер арасында алгачкы жолу уюштурулган футболдук турнир – Курулуш лигасы (К-лига) жыйынтык баскычына жакындады.
Турнирдин ачылышы 19-октябрда Бишкек шаарындагы “Алга” спорт комплексинде өткөн. Алгачкы оюндарга министрликтин жана курулуш компанияларынын кызматкерлеринен түзүлгөн 8 команда катышкан.
Эми турнирдин чечүүчү беттеши 9-ноябрда борбор шаарыбыздагы “Алга” спорт комплексинде өтөт. Бул күнү чемпиондук наам үчүн мыкты төрт команда ат салышат. Жеңүүчүлөргө Курулуш лигасынын кубогу, сыйлыктар жана ардак грамоталар тапшырылат.
Футболдук
турнирдин негизги максаты - тармак ичиндеги ынтымакты бекемдөө, кызматташууну
өнүктүрүү жана сергек жашоо образын калыптандыруу.
