Кыргыз Республикасынын Курулуш министри Ага Хан өнүктүрүү уюмунун өкүлдөрү менен жумушчу жолугушуу өткөрдү. Жолугушуу учурунда Ага Хан архитектура боюнча сыйлыгынын 16-тапшыруу аземин Бишкек шаарында өткөрүү мүмкүнчүлүгү талкууланды.
Ага Хан сыйлыгы — архитектура тармагындагы дүйнөдөгү эң абройлуу эл аралык сыйлыктардын бири болуп саналат жана ар үч жылда бир ирет ыйгарылат. Сыйлыктын байге фонду 1 миллион АКШ долларын түзүп ал дүйнөнүн 200дөн ашуун өлкөлөрүнөн тандалып алынган бир нече лауреаттардын ортосунда бөлүштүрүлөт.
Кыргыз Республикасы бул салтанаттуу иш-чараны өткөрүүчү мүмкүн болуучу жай катары каралууда. Бул болсо дүйнөлүк коомчулуктун өлкөнүн архитектуралык жана маданий мурасына болгон кызыгуусу артып жатканын көрсөтүп турат.
