Бул Усул мамлекеттик бюджеттик каражаттардан каржыланган Кыргыз Республикасынын аймагында курулуш, реконструкциялоо, капиталдык оңдоо жана ишке киргизүү иштерин жүргүзгөн бардык уюмдар жана ишканалар тарабынан колдонууга милдеттүү болгон курулуштун сметалык наркын аныктоодо жана аткарылган курулуш иштери үчүн эсептешүүлөрдө методологиялык биримдикти камсыз кылуу үчүн иштелип чыккан. Калган учурларда, жыйнактар курулуш продукциясына бааларды түзүүдө жана келишимдик баалар боюнча аткарылган иштер үчүн эсептешүүлөрдө сунуштоочу мүнөзгө ээ. Усулда келтирилген жоболорду ведомстволук таандыгына жана менчик формасына карабастан, мамлекеттик бюджеттин каражаттарын тартуу менен курулушту жүргүзгөн уюмдардын пайдалануусу сунушталат.