19-октябрда Бишкектеги “Алга” спорт комплексинде Кыргыз Республикасынын Курулуш, архитектура жана турак жай-коммуналдык чарба министрлигинин демилгеси менен курулуш компаниялар арасында биринчи жолу футболдук турнир-Курулуш лигасы (К-лига) өтөт. Турнирди Курулуш министри Нурдан Орунтаев ачып берет.
Футбол талаасында беттеше турган командалар өлкөбүздөгү ири жана чакан
курулуш компанияларынын кызматкерлеринен түзүлдү.
Турнирдин максаты-тармактагы ынтымакты бекемдөө, кызматташууну арттыруу жана сергек жашоо образын жайылтуу.
Жеңүүчүлөргө жана катышуучуларга сыйлыктар тапшырылат.
Бардык спорт сүйүүчүлөрдү жана кесиптештерди бул маанилүү иш-чарага чакырабыз!
