Кыргыз Республикасынын Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Бишкек шаар куруу жана архитектура башкармалыгы “Бишкек шаарынын дизайн-коду” эрежелерин ишке ашыруунун алкагында турак жайлардын фасаддарына текшерүү жүргүзүлүп жатат.
Эми Дизайн-кодду ишке ашыруунун экинчи этабы башталат.
Экинчи этаптын
алкагында:
- турак жай
батирлеринин сырттагы кондиционер блокторун;
- фасаддарга
жайгаштырылган интернет жана электр зымдарын;
- өз алдынча
айнектелген балкондор;
- уруксатсыз орнотулган кошумча конструкциялар боюнча иретке келтирүү иштери жүргүзүлөт.
Белгилей кетсек, Дизайн-код боюнча интернет зымдары сыртка чыкпай иреттүү жайгаштырылып, кондиционерлер терезенин жанына орнотулушу керек. Ал эми балкондорго кошумча курулуш жүргүзүлбөшү шарт.
Урматтуу борбор
калаанын тургундары, жашаган турак жайыңызды Бишкек шаарынын Дизайн-кодунун
талаптарына ылайык иретке келтирүүгө чакырабыз.
