Кыргыз Республикасынын Курулуш, архитектура жана турак жай-коммуналдык чарба министрлигине караштуу Шаар куруу жана архитектура департаментинин Араван башкармалыгы Араван райондук мамлекеттик администрациясы менен биргеликте дизайн-коддун талаптарына ылайык аймакты иретке келтирүү иштери жүргүзүлүп жатат.
Дизайн-код Араван райондук мамлекеттик администрациясы тарабынан бекитилип, учурда райондун борбордук бөлүгүндө жана бир катар аймактарда коомдук имарат, мекеме жана соода жайларынын фасаддарынын сырткы көрүнүшү жаңыртылып, көрнөк-жарнак такталары бирдиктүү үлгүдө орнотулууда.
Дизайн-код—бул
райондун архитектуралык көрүнүшүн,
көчө-жол тармагын, коомдук жана турак жай объекттерин бирдиктүү стилистикалык
багытта өнүктүрүүнү камсыздаган документ. Анын негизги максаты—Араван районунун
эстетикалык көрүнүшүн жакшыртуу жана жарандар үчүн коопсуз, ыңгайлуу жашоо
чөйрөсүн түзүү болуп саналат.
