Ош облусуна караштуу Кара-Кулжа районундагы коомдук маданий борбордун курулушу кызуу жүрүп жатат. Каржылоо Кыргыз Республикасынын Турукташтыруу фондунан жүргүзүлүп, 150 млн сом каралган.
Курулуш иштери 2025-жылдын 7-июлунда башталып, учурда ички жасалгалоо, фасаддын сыртындагы жана аймакты көрктөндүрүү иштери жүргүзүлүп жатат. Аймактын жалпы аянты-3986,97 чарчы метр.
Долбоорго ылайык, 3 кабаттан турган имаратта (кошумча жертөлөсү бар) кинотеатр, машыгуу залы, тейлөөчү уюмдар, банк филиалдары, конференц-зал жана башка бөлмөлөр жайгашат. Ошондой эле автоунаа токтотуучу жай да каралган.
Долбоордун ишке
ашырылышы аймактагы инфратүзүмдү жана мамлекет менен жарандардын ортосундагы өз
ара аракеттенүүнү жакшыртууга өбөлгө түзөт.
