28-ноябрда көп кабаттуу турак үйдүн терезелери сапатсыз курулуп жатат деп туура эмес маалымат социалдык тармактардагы баракчалар аркылуу тараган. Курулуш министрилигине караштуу Мамлекеттик архитектура-курулуш контролдоо департаменти аталган объект боюнча төмөнкүлөрдү малымдайт:
Бишкек шаарынын Байтик баатыр 1 Е дарегинде курулуп жаткан көп кабаттуу үйдүн долбооруна өзгөртүүлөр киргизилген. Мындан улам учурда шахмат формасында курулган терезелерди жаңы долбоорго ылайыктоо боюнча демонтаждоо иштери жүрүп жатат. Бардык курулуш иштери министрликтин көзөмөлүндө жана долбоорго ылайык гана жургүзулуп жатат. Бул жерде тынчсыздануунун кереги жок.
Белгилей кетсек,
Курулуш министрлиги тарабынан үстүбүздөгү жылдын 30-сентябрында Байтик баатыр 1
Е дарегиндеги курулуш объектилерине лабораториялык жана сейсмикалык текшерүү
жүргүзүлүп, оң корутунду берилген.
Урматтуу социалдык тармактын колдонуучулары курулуш объектилерине байланыштуу такталган гана маалыматтарды бөлүшүүгө чакырабыз.
