icon__chevron-right icon__clock icon__file icon__log-out.svg icon__map-pin icon__phone icon__plus icon__search Ресурс 1 Ресурс 2

Токтогул районунда жаңы мектептин курулушу уланууда

Кыргыз Республикасынын Курулуш, архитектура жана турак жай-коммуналдык чарба министрлиги тарабынан Жалал-Абад облусунун Токтогул районуна караштуу Кызыл-Өзгөрүш айылында А. Ибраимов атындагы жаңы мектептин курулуш долбоору ишке ашырылууда.  

Мектептин курулушу 2018-жылы башталып, республикалык бюджеттин эсебинен каржыланууда. Долбоорго ылайык, мектеп 275 окуучуга ылайыкталып, эки кабаттуу окуу корпус жана спорт залынан турат.

Окуучулардын ыңгайлуу жана сапаттуу билим алуусу үчүн бардык шарттар түзүлөт. Биология, химия, физика боюнча адистештирилген кабинеттер, компьютердик класс, ошондой эле балдар жана кыздар үчүн эмгек сабактарына арналган устаканалар каралган. Объекттин жалпы аянты 1974,1 чарчы метрди түзөт.

Бүгүнкү күндө курулуштун даярдыгы 80%га жетти. Иштер бекитилген графикке ылайык улантылууда жана жакынкы убакта мектептин курулушу толук аякташы күтүлүүдө.