Жалал-Абад облусунун Токтогул шаарында Э. Осмонов атындагы стадионду капиталдык оңдоо жана реконструкциялоо иштери активдүү уланууда. Проект республикалык бюджеттин эсебинен каржыланууда. Тендердик баасы 172,7 млн сомду түзөт.
Реконструкция иштери өткөн жылы башталган. Долбоор боюнча, жатакана, ашкана, батыш жана чыгыш трибуналары, коомдук дааратканалар, автобус жана коноктор үчүн унаа токтотуучу жайлар, ошондой эле заманбап футбол талаасы курулат.
Белгилей кетсек стадион 1980-жылы курулган, ошол убактан бери капиталдык оңдоп-түзөө иштери жүргүзүлгөн эмес.
