Кыргыз Республикасынын Курулуш, архитектура жана турак жай-коммуналдык чарба министрлигинин кызматкерлери үчүн киберкоопсуздук боюнча маалыматтык тренинг өткөрүлдү.
Киберкоопсуздук — бул электрондук түзмөктөрдү жана аларда сакталган маалыматтарды коргоого багытталган чаралардын жыйындысы. Алсак, вирустардан, хакердик чабуулдардан, маалыматтарды уурдоодон жана санариптик алдамчылыктан коргонуу — киберкоопсуздуктун негизги максаттарынын бири болуп эсептелет.
Тренинг Кыргыз Республикасынын Санариптик өнүктүрүү министрлиги тарабынан уюштурулуп, кызматкерлерге кибер мейкиндиктеги коркунучтар жана алардан сактануу жолдору тууралуу кеңири маалымат берилди.
