Нарын облусунун Ак-Талаа районуна караштуу Ак-Тал айылында бир катар социалдык объекттер курулууда. Быйыл жыл аягына чейин пайдаланууга берилет.
Айылдын инфраструктурасын жакшыртуу максатында 90 орундуу заманбап бала бакча курулууда. Долбоорду ишке ашыруу 2023-жылы башталып, республикалык бюджеттин эсебинен каржыланып келет. Учурда курулуш-монтаждоо иштери кызуу уланууда.
Ошондой эле, А.Турдакунов атындагы 150 орундуу мектептин курулушу аяктады. Курулуш иштери 2022-жылы республикалык бюджеттин эсебинен башталган. Жаңы мектеп эки кабаттуу окуу корпус, өтмө галерея жана спорт залдан турат.
