2025-жылдын биринчи жарым жылдыгында Мамлекеттик экспертиза департаментине
долбоордук-сметалык документтердин сапатын жана мыйзам ченемдерге шайкештигин
тастыктоо боюнча жалпы 947 долбоордук документ келип түшүп, аларга кылдат
талдоо жүргүзүлдү.
Алардын ичинен 752 документ боюнча долбоордук техникалык экспертиза
ийгиликтүү аяктап, тиешелүү корутундулар берилди. Калган 195 долбоор учурда
терең каралууда. Бул аракеттер курулуш иштери үчүн сапаттуу негиз түзүүгө
багытталган.
Быйыл белгилей кетчү нерсе - жыл башынан тарта экспертизага келип түшкөн
бардык документтер толугу менен санариптештирилип, учурда алар электрондук
портал аркылуу гана кабыл алынууда. Корутундулар да электрондук түрдө берилип
жатат.
Мамлекеттик экспертиза департаментинин кирешеси 2024-жылдын алты айында 155
063 458,36 миллион сомду түзгөн. Ал эми
2025-жылдын ушул мезгилинде бул көрсөткүч 6,3 пайызга өсүп, 164 859 320,46 миллион сомго жетти.
