Бишкек шаарынын архитектура жана шаар куруу башкы башкармалыгы борбор калаанын дизайн-коду боюнча иретке келтирүү иштерин жүргүзүүдө. Адистер ишкерлер менен түшүндүрүү иштерин жүргүзүп, шаардык кызматтар менен биргеликте рейддик иш-чараларга катышууда.
Белгилей кетсек, 2025-жылдын январь айынан июль айына чейин Башкармалык тарабынан дизайн-кодду ишке ашыруунун алкагында 73 имараттын фасадынын паспорту жана 13 эскиздик долбоор иштеп чыгарылды.
Бишкек шаарынын архитектура жана шаар куруу башкы башкармалыгы борбор калаанын архитектуралык-эстетикалык көрүнүшүн калыптандыруу жана архитектуралык чөйрөнү жакшыртуу максатында ишкерлерди борбор калаанын дизайн-кодун бузбоого жана көрнөк-жарнактарды, жарнамалык конструкцияларды эрежелерге ылайык жайгаштырууга чакырат.
Эске салсак,
Бишкек шаардык кеңешинин 2024-жылдын 14-майындагы № 134 токтому менен Бишкек
шаарынын аймагында маалыматтык, жарнамалык конструкцияларды жайгаштыруу жана
пайдалануу эрежелери жана имараттардын, курулмалардын фасаддарынын сырткы
көрүнүшүнө коюлуучу талаптар бекитилген.
