Кыргыз Республикасынын Президентинин 2022-жылдын 8-апрелиндеги “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндөгү” №109 жарлыгынын негизинде Араван районунда мыйзамсыз курулуш фактылары аныкталган.
Курулуш, архитектура жана турак жай-коммуналдык чарба министирлигине караштуу Шаар куруу жана архитектура департаментинин Араван райондук шаар куруу жана архитектура башкармалыгы, Чек-Абад, Дөбө-Коргон, Достук жана Керме-Тоо айыл аймактарынын адистери менен биргеликте аталган аймактардагы мыйзамсыз курулган объектилер буздурулууда.
Белгилей кетсек,
менчик ээлерине түшүндүрүү иштери жүргүзүлүп, андан соң мыйзамсыз курулуштарды
бузуу иштери башталды.
