Талас облусунун Манас районуна караштуу Май айылындагы Б.Узенов атындагы 150 орундуу мектептин курулуш иштери уланууда.
Долбоорго ылайык, мектеп эки кабаттан турат жана окуучулар үчүн бардык шарттар каралган. Жалпы аянты – 1281,8 чарчы метрди түзөт.
Ал эми курулуш иштери Турак жай-жарандык курулуш департаментинин көзөмөлүндө жүргүзүлүп жатат. Учурда иштин 40 пайызы аткарылды.
Белгилей
кетсек, объектинин курулушу республикалык бюджеттин эсебинен
каржыланууда.
