Ош шаарында жаңы жол ачылат – шаардыктардын ыңгайлуулугу үчүн чоң кадам!
Ош шаардык кеңеши шаардын башкы планынын негизинде, 2023-жылдын 27-декабрындагы №182 токтому менен Ош шаарынын борбордук бөлүгүнүн деталдык пландоо долбоорун бекиткен.
Аталган долбоорго ылайык, Б.Нурматов көчөсүн Курманжан-Датка көчөсүнө бириктирүүчү жаңы жол куруу пландалууда. Бул – шаардын транспорттук инфратүзүмүн жакшыртуу багытындагы маанилүү кадам.
Эскиз долбоор Курулуш министрлигине караштуу Шаар куруу жана архитектура департаментинин Ош регионалдык шаар куруу жана архитектура башкармалыгы тарабынан даярдалган.
Жолдун узундугу – 180 метр.
Эки багыттуу, 6 тилкелүү жол заманбап талаптарга ылайык иштелип чыгууда.
Долбоордо:
* Ирригациялык түйүндөр,
* Жашыл аймактар,
* Жөө адамдар үчүн жолдор,
* Жарыктандыруу системалары камтылган.
Жаңы жол ачылса:
* Автоунаа тыгыны кыйла азаят,
* Шаардыктар үчүн ыңгайлуулук жаралат,
* Инфраструктуралык өнүгүүгө чоң салым болот.
Бул өзгөрүүлөр – жаңы, ыңгайлуу жана өнүккөн Ош шаары үчүн жасалып жаткан иш-аракеттердин бир бөлүгү.
