25-августтта Кыргыз Республикасынын Курулуш, архитектура жана турак жай-коммуналдык чарба министрлигинин имаратында Азия өнүктүрүү банкынын (АӨБ) миссиясы менен жолугушуу болуп өттү.
Сүйлөшүүлөрдүн жүрүшүндө эки тарап Ысык-Көл облусундагы канализациялык-тазалоочу курулманы (КТК) куруу долбоорунун жүрүшүн, ошондой эле аны ишке ашырууну тездетүү боюнча чараларды талкуулашты.
Долбоордун региондун экологиялык коопсуздугун камсыз кылуу жана калктын жашоо сапатын жогорулатуу үчүн мааниси чоң экендиги белгиленди. Тараптар биргелешкен демилгелерди ишке ашыруунун алкагында мындан аркы кызматташууга даяр экендиктерин билдирди.
