Чүй облусунун Аламүдун районунун Таш-Дөбө айылында 180-240 балага чейин ылайыкталган бала бакчанын реконструкция жана капиталдык оңдоо иштери аяктап, пайдаланууга берүү алдында турат.
Долбоорго ылайык,
2 кабаттуу имаратта балдар үчүн бардык шарттар каралган. Заманбап талаптарга
толук жооп берген бала бакчанын реконструкция иштери 2024-жылы октябрь айында
башталган. Объект республикалык бюджеттин эсебинен каржыланган.
Жалпы аянты 1760,7 чарчы метр.
Белгилей кетсек,
бала бакча 1964-жылы курулуп, биринчи жолу ири реконструкциядан өттү.
