Кыргыз Республикасынын Курулуш министрлиги тарабынан Нарын шаарындагы академик Үсөн Асанов атындагы 500 орундуу лицей жатак-мектеби капиталдык оңдоп-түзөөдөн өткөрүлдү. 2025-жылдын январь айында имаратты оңдоо иштери башталып, республикалык бюджеттен каржыланды.
Капиталдык оңдоо иштеринин жүрүшүндө мектеп толук жаңыланып, окуучулардын билим алуусуна жакшы шарттар түзүлдү.
Белгилей кетсек, лицей жатак-мектеби 1964-жылы курулуп, андан бери капиталдык оңдоодон өткөрүлгөн эмес.
