Бүгүн, 14-сентябрда Токтогул шаарындагы реконструкциядан өткөн Эргеш Ормонов атындагы стадион расмий ачылды.
Иш-чарага Кыргыз Республикасынын Министрлер Кабинетинин Төрагасынын орун басары-Кыргыз футбол биримдигинин Президенти Камчыбек Ташиев, Курулуш, архитектура жана турак жай-коммуналдык министри Нурдан Орунтаев жана бир катар мамлекеттик органдардын өкүлдөрү катышты.
Ачылыш аземи Кыргыз Республикасынын Улуттук лигасынын "Токтогул"- "Базар-Коргон" футболдук клубдарынын беттеши менен коштолду.
Стадионду толук реконструкциядан өткөрүү Курулуш министрлиги тарабынан ишке ашып, республикалык бюджеттен каржыланды.
Белгилей кетсек, азыркы заманбап стадиондун аймагында буга чейин орун алган стадион 1980-жылы СССРдин борбору Москва шаарында өткөн Олимп оюндарынын урматына курулган. Кийинчерээк бул объектиге Эргеш Ормоновдун ысымы берилген.
