Бүгүн, 16-сентябрда “Ала-Арча” мамлекеттик резиденциясында “Архитектуралык семинар” өткөрүлдү.
Семинарга Ага Хан сыйлыгынын директору Фаррух Дерахшани, Кыргыз Республикасынын Курулуш, архитектура жана турак жай-коммуналдык чарба министрлиги, “Ага-Хан” өнүктүрүү уюмунун өкүлдөрү, ошондой эле курулуш жана архитектура тармагындагы башка өлкөлөрдөн келген коноктор катышты.
Иш-чаранын алкагында, директор Фаррух Дерахшани, Курулуш
министрлигине караштуу Шаар куруу жана архитектура департаментинин директору
Замира Кангелдиева сөз сүйлөдү.
Семинар Ага Хан сыйлыгында утушка жеткен долбоорлордун презентациясы жана суроо-жооптор менен коштолду.
Белгилей кетсек, 15-сентябрда Кыргызстанда биринчи жолу архитектура тармагындагы эң беделдүү эл аралык сыйлыктардын бири—Ага Хан сыйлыгы тапшырылды. Сыйлык тапшыруу аземи Т. Сатылганов атындагы Кыргыз улуттук филармониясында өттү.
