Курулуш министри Нурдан Орунтаев Аламүдүн районуна караштуу Таш-Дөбө айылындагы Б.Бейшеналиева атындагы 1400 орундуу мектептин капиталдык оңдоо иштери менен жеринде таанышты.
Мектепти жаңылоо иштери 2024-жылы республикалык бюджеттин эсебинен башталып, учурда аяктоо этабында турат. Капиталдык оңдоп-түзөө иштеринин тендердик баасы 173,6 млн сомду түзгөн.
Белгилей кетсек, мектептин биринчи окуу корпусу 1964-жылы, ал эми экинчи корпусу 1984-жылы курулган.
Жакынкы күндөрү капиталдык оңдоп-түзөөдөн өткөн Б.Бейшеналиева атындагы мектеп заманбап шартта пайдаланууга берилет.
