Жалал-Абад облусунун Аксы районуна караштуу Кызыл-Жар айылында наркы 127 миллион сомду түзгөн жаңы мектеп курулууда. Долбоор республикалык бюджеттин эсебинен каржыланып, курулуш иштери Турак жай-жарандык курулуш департаментинин көзөмөлүндө.
Жалпы аянты 2297 чарчы метрди түзгөн мектеп 375 орунга ылайыкталып, эки кабаттуу окуу корпусу жана спорт залы менен курулууда. Курулуш-монтаждоо ишери “Алихан строй” ЖЧКсы тарабынан аткарылып, заманбап талаптарга жооп берет. Азыркы тапта 85 пайыздык жумуш аткарылды.
