Инвестициялык жана инфраструктуралык долбоорлорду ишке ашырууну тездетүү, ресурстарды пайдалануунун натыйжалуулугун жогорулатуу жана курулуш процессин башкаруу механизмдерин өркүндөтүү максатында, «Шаар куруу жана архитектура жөнүндө» Кыргыз Республикасынын Мыйзамын, «Шаар куруу мыйзамдарынын негиздери жөнүндө» Кыргыз Республикасынын Мыйзамын, Кыргыз Республикасынын Министрлер Кабинетинин 2023-жылдын 3-мартындагы № 115 токтомун жана Кыргыз Республикасынын Министрлер Кабинетинин 2025-жылдын                         22-апрелиндеги № 221 токтому менен бекитилген «Кыргыз Республикасынын Курулуш, архитектура жана турак жай-коммуналдык чарба министрлиги жөнүндө» Жобону жетекчиликке алып, буйрук кылам:

1.                Сызыктуу объекттерди долбоорлоо жана куруу процесстерин айкалыштыруу жөнүндө жобо ушул буйруктун тиркемесине ылайык бекитилсин.

2.                Архитектура, контролдоо жана техникалык ченемдөө башкармалыгы:

1)                Кыргыз Республикасынын Өкмөтүнүн 2010-жылдын                                  26-февралындагы № 117 «Кыргыз Республикасынын ченемдик укуктук актыларын расмий жарыялоо булактары жөнүндө» токтому менен белгиленген тартипте бул буйруктун расмий жарыяланышын камсыз кылсын;

2)                расмий жарыяланган күндөн тартып үч жумушчу күндүн ичинде ушул буйруктун мамлекеттик жана расмий тилдердеги көчүрмөлөрүн эки нускада кагаз жана электрондук алып жүрүүчүлөрдө, жарыялоо булагын көрсөтүү менен, Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтсүн;

3)                бул буйрук күчүнө кирген күндөн тартып үч жумушчу күндүн ичинде анын көчүрмөсүн маалымат үчүн Кыргыз Республикасынын Президентинин Администрациясына жөнөтсүн.

3.                Бул буйруктун аткарылышын контролдоо министрдин орун басары Б.Б. Турдугуловго жүктөлсүн.

4.                Бул буйрук расмий жарыялангандан кийин 10 күн өткөндөн кийин күчүнө кирет.